Sulmuesi i krahut, Arbnor Muja po ndahet me skuadrën e Samsunsporit, e cila me këtë lëvizje krijon hapësirë për të liruar kuotën e lojtarëve të huaj.
Mediumet në Turqi, kanë raportuar se Muja pritet të vazhdojë karrierën në Belgjikë edhe pse ndihmoi Samsunsporin për të siguruar një vend në Ligën e Evropës për këtë sezon.
Samsunspori po kërkon të lirojë vend për lojtarë të huaj pasi po synon të bëjë përforcime para mbylljes së afatit kalimtar, ndërsa Muja veçse ka kërkuar largimin nga ekipi.
Ai thuhet se ka marrëveshje në parim me një ekip nga Belgjika, emri i të cilit nuk është bërë public dhe pritet të prezantohet së shpejti.
26-vjeçari e njeh kampionatin belg, pasi luajti për gati dy sezone te Antwerpi, ekip me të cilin ka fituar titullin e kampionit, Kupën e Superkupën e Belgjikës, si dhe ka luajtur në Ligën e Kampionëve.
Muja në shkurt të vitit të shkuar u transferua te Samsunspori nga Antwerpi dhe me ekipin nga Turqia ka kontratë deri në verën e vitit 2027.
Ai ka edhe 5 paraqitje me Kombëtaren e Shqipërisë, ndërsa ka luajtur edhe për Dritën, Skënderbeun, Trepçën ’89 e Trepçën.
