Anderlechti është skuadra që pritet ta transferojë sulmuesin e krahut, Arbnor Muja, kanë njoftuar të mërkurën mediumet në Turqi.
Një ditë më herët, u raportuar se Muja ka kërkuar largimin nga Samsunspori për t’u kthyer në Belgjikë, pasi në parim ka marrëveshje me një ekip.
Anderlechti është i interesuar për Mujën dhe është në negociata me Samsunsporin, ekip që me largimin e 26-vjeçarin, do të lironte kuotën për futbollistët e huaj.
Muja ka kontratë me Samsunsporin deri në verën e vitit 2027, ndërsa kartoni i tij vlerësohet mbi 3 milionë euro.
Futbollisti i Kombëtares së Shqipërisë, u transferua në fillim të vitit të shkuar te Samsunspori dhe këtë sezon ka vetëm dy paraqitje në Superligën e Turqisë.
Muja e njeh mirë kampionatin belg pasi për më shumë se një sezon luajti te skuadra e Antwerpit, me të cilën fitoi titullin e kampionit, kupën dhe Superkupën.
Krahas Anderlechtit, po raportohet se edhe skuadra e Antwerpit është në garë për Mujën, të cilin po synon ta kthejë.
Tek Anderlechti, Muja do ta ketë trajner Besnik Hasin.
