Kreu i Komunës së Drenasit, Ramiz Lladrovci, ka shprehur ngushëllime për familjen Bajraktari pas vdekjes të Lirim Bajraktarit, i cili humbi jetën si pasojë e plagëve të rënda të marra në një aksident trafiku.
Sipas informatave, aksidenti kishte ndodhur mbrëmë në Prishtinë, ku një automjet kishte humbur kontrollin dhe ishte përplasur me tetë vetura të parkuara pranë një qendre tregtare në lagjen Kalabri.
Si pasojë, Bajraktari, i cili ishte pasagjer, kishte pësuar lëndime të rënda dhe më pas kishte ndërruar jetë.
Në një njoftim zyrtar, Komuna e Drenasit ka bërë të ditur se kryetari Lladrovci, në emër të institucionit dhe në emrin e tij personal, u ka shprehur ngushëllimet më të sinqerta familjarëve, miqve dhe të afërmve të të ndjerit.
“Humbja e një të riu është e rëndë jo vetëm për familjen, por për gjithë qytetarët tanë. Në këto momente të vështira, ndajmë dhimbjen dhe shprehim solidaritet e mbështetje për familjen Bajraktari”, thuhet në reagimin e Lladrovcit.
Ndërkohë, familjarët e të ndjerit kanë njoftuar se pas përfundimit të procedurave ligjore, do të informojnë me kohë për ceremoninë mortore, duke falënderuar të gjithë për mbështetjen dhe mirëkuptimin e treguar.
Shoferi humb drejtimin, vetura del nga rruga dhe i godet tetë tjera të parkuara
