Sulmuesi i krahut, Arbnor Muja pritet të largohet në këtë afat kalimtar nga skuadra e Samsunsporit.
Në fakt, Muja ka kërkuar largimin nga klubi për shkak se nuk ka qenë i kënaqur me minutazhën që kishte në dispozicion sezonin e shkuar.
Ai i ka bërë me dije Samsunsporit se dëshiron një skuadër ku mund të luaj dhe drejtuesit e ekipit turk janë në pritje të ofertave për 26-vjeçarin.
Muja në fillim të vitit të shkuar iu bashkua Samsunsporit nga Antwerpi i Belgjikës dhe firmosi kontratë deri në verën e vitit 2027.
Në 34 ndeshje të luajtura sezonin e shkuar për Samsunsporin, ku kryesisht inkuadrohej nga banka e rezervistëve, Muja ka shënuar 3 gola dhe ka bërë 2 asistime.
