Ministria e Punëve të Brendshme duke dënuar aktin e Serbisë, ka kërkuar lirimin e menjëhershëm të qytetarëve dhe zyrtarëve policorë të ndaluar sot në pikat kufitare.
Nga MPB bëjnë me dije se përveç zëvendësdrejtorit të Policisë së Kosovës nga radhët e komunitetit serb, Dejan Jankovic nën mbajtje mbeten akoma edhe pesë policë.
“Institucionet përkatëse janë në proces të sigurimit të informacioneve të sakta për të sqaruar situatën e krijuar por nga ato që posedojmë deri tash, në ndalim kanë qenë 10 pjesëtarë të Policisë së Kosovës (shqiptarë dhe serb) të cilët janë ndaluar në kalimet kufitare Merdar, Jarinje, Dheu i Bardhë dhe në kufirin mes Kroacisë dhe Serbisë. 5 nga ta janë liruar ndërsa 5 ndodhen akoma në mbajtje, duke përfshirë edhe Zëvëndësdrejtorin Jankovic”, thonë nga kjo ministri.
Ndërkaq, është kërkuar nga i gjithë faktori ndërkombëtar të dënohet kjo sjellje e Serbisë karshi qytetarëve të Kosovës. /teve1.info/
