Kjo shkollë gjendet në fshatin Busavatë të kësaj komune. Ngjashëm janë hapur edhe katër shkolla të tjera.
Ato kanë qenë të mbyllura për gati tri vjet, meqenëse ish – kryetari i kësaj komune, Qëndron Kastrati, kishte nisur një reformë në arsim.
Pavarësisht hapjes së shkollave, Gjykata Kushtetuese i ka dhënë të drejtë Kastratit.
Mirëpo, këtë të drejtë nuk po ia japin prindërit e këtyre fëmijëve.
E kundër këtij vendimi dhe rikthimin e reformës është edhe ushtruesi i detyrës së drejtorit të kësaj shkolle, Mefail Maliqi.
Në anën tjetër, kryetari i tanishëm i kësaj komune, Kadri Rahimaj, thotë se reforma në sistemin arsimor është korrikula, e që nuk është në kompetencë të komunave.
Sipas tij, si komunë janë vetëm të obliguar ta zbatojnë atë.
“Pas gjithë kësaj qe është shkaktuar, për me shume se dy vite 441 fëmijëve ju është mohuar e drejta për arsimim. Prandaj, për ne ka qene e rëndësishme normalizimi i gjendjes ne arsim. Kemi ndaluar analfabetizmin qe po prodhohej me vetëdije te plote nga ish qeverisja e PSD. Për me shume se dy vite janë humbur 1,506 dite mësimi ose 79,000 ore mësimi. Kjo është shqetësues dhe shkakton dëme te pariparueshme te fëmijët. Dhe këtu flasim vetëm shkolla me numër me te madhe te nxënësve dhe jo për ato shkolla me 4 apo 10 nxënës siç potencohet ne shume mediume”.
Nga viti 2019-të, kjo shkollë ka 39 nxënës më pak që zhvillojnë procesin mësimor këtu.
Kronika e realizuar nga Fetije Kamberi
