150 ushtarak kroat i janë bashkuar misionit paqeruajtës në Kosovë, KFOR.
Këtë e ka bërë të ditur vet ministri i Mbrojtjes së Kroacisë, Ivan Anushi.
Ai theksoi se angazhimi në Kosovë e konfirmon përkushtimin e Kosovës ndaj sigurisë dhe stabilitetit të Evropës Juglindore. Ai gjithashtu u përcolli urime ushtarëve para nisjes në mision.
E ky është kontingjenti i dyzetekatërtë që Kroacia dërgon në Kosovë.
Sipas njohësve të sigurisë në vend, në mesin e 150 ushtarakëve kroat ka pjesëtarë edhe të njësisë së pilotëve që do të kujdesen për hapësirën ajrore.
“Këta janë një gardë e motorizuar, por kanë edhe pjesë të forcave që kanë mbështetje edhe të forcës së sigurisë si këshillëdhënës por edhe në radhë të komandës së KFOR-it, por edhe në aviacion në kuptim të mbikëqyrjes së terrenit dhe monitorimit. Forcat kroate po vazhdojnë të mbesin besnik në kuptimin e mbështetjes së sigurisë në Kosovë në një situatë të brishtë të sigurisë”, thekson ai.
Ibishi theksoi se Serbia po vazhdon të bëjë veprime destabilizuese në Kosovë.
“Por jo larg edhe pjesa e brishtë e Ballkanit në të cilën është edhe Kosova edhe tendenca për destabilizim nga Serbia. Mendoj që Kroacia dhe deklarata e ministrit të Mbrojtjes, Anushiq tregon përkushtimin për paqë në rajon por edhe më gjerë sepse ata kanë dikun 300 trupa, pra gjysmën tjetër e kanë në misione tjera ndërkombëtare por me një përqëndrim më të madh në Republikën e Kosovës”, shprehet Ibishi.
E Shkelzen Sopjani, njohës i sigurisë vlerëson se e gjithë kjo ka ardhur edhe pas marrëveshje trelaterale që ka Kroacia me Kosovën dhe Shqipërinë në aspektin e mbrojtjes.
“Kroacia si një aleat shumë i afërt i Republikës së Kosovës, ku të dy shtetet ndajnë një armik të përbashkët dhe një brengë për sigurinë nacionale të përbashkët e që është Serbia në këtë rast, shtimi i këtyre trupave kontribuon në sigurinë e përgjithshme në Republikën e Kosovës. Mos të harrojmë që Kroacia, Shqipëria dhe Kosova kanë edhe një marrëveshje të bashkëpunimit në kuadër të fushës së sigurisë dhe mbrojtjes”, thotë Sopjani.
Tëvë1 ka dërguar pyetje edhe KFOR-i për të marrë një përgjigje nëse do të ketë shtim të trupave në vijim, por nuk kanë kthyer përgjigje.
