Kryetari i Prishtinës, Përparim Rama ka njoftuar se sot në Asamblenë e Jashtëzakonshme të ICMG është miratuar prezantimi i propozimit dhe vazhdimi i përgatitjeve për Lojërat Mesdhetare Prishtina 2030.
Rama ka thënë se ky është një hap i madh për kryeqytetin dhe Kosovë, duke theksuar se Prishtina po ecën me siguri drejt 2030-ës me vizion të qartë e konkretë.
Tutje, ai shtoi se Lojërat Mesdhetare nuk janë vetëm sport janë zhvillim urban, infrastrukturë moderne, mundësi për të rinjtë dhe një dritare e hapur për ta prezantuar Prishtinën në botë.
Në fund, Rama falënderoi Komitetin Olimpik të Kosovës, Administratën e Kryeqytetit dhe Qeverinë e Kosovës për përkushtimin e tyre, si dhe Qeverinë e Shqipërisë dhe Komitetin Olimpik të Shqipërisë për bashkëpunimin që i siguron Prishtinës qasje në det, duke e forcuar dimensionin mesdhetar të projektit./teve1.info/
