Tri orë ministrja e Industrisë, Ndërmarrësisë e Tregtisë ishte në Prokurorinë Speciale. Hajdari konfirmoi se aryseja janë rezervat shtetërore, por tha që nuk është intervistuar sot për shkak të disa paqartësive në lidhje me legjislacionin për rezerva shtetërore. E nga Prokuroria Speciale, thonë se ministrja ishte ftuar si e pandehur që të intervistohej, por që është mbrojtur në heshtje.
Mëngjesi i parë i javës, e gjeti në njërin organet e ndjekjes.
Prokuroria Speciale ishte vendqëndrim për ma shum se tre orë, i ministres së Industrisë, Ndërmarrësisë e Tregtisë, Rozeta Hajdari.
Ajo konfirmoi se arsyeja e prezencës së saj në Prokurori Speciale ishin rezervat shtetëtore, por mohoi të jetë marrë në pyetje për këtë çështje.
“Nuk jam intervistuar sot, sepse është fjala për intevstirë për rezervën shtetërore, e cila koërkon qartësi në legjislacionin për për Rezervën Shtetërore, Ligji për Mbrojtjen e Informacionit të Klasifikuar dhe ligjet tjera.”, u shpreh ministrja Hajdari.
Sipas saj, intervistimi do të ndodhë pas disa qartësimeve mes ministrisë dhe prokurorisë.
“Derisa t’i marrim qartësitë përkatëse, ne do të bëjmë kërkesë t’vijmë dhe t’iu japim përgjigjet që kanë nevojë t’i marrin.”, deklaroi ministrja Hajdari.
E nga Prokuroria Speciale kanë bërë me dije që Hajdari në cilësinë e të pandehurës ka qenë e paraparë të intervistohej të hënën, por që e njëjta është mbrojtur në heshtje.
“Sipas ftesës së kësaj prokurorie, Rozeta Hajdari, Ministre në Ministrinë e Industrisë, Ndërmarrësisë dhe Tregtisë, është paraqitur në Prokurorinë Speciale për t’u intervistuar në cilësinë e të pandehurës, nën dyshimin se ka kryer veprën penale ‘’Keqpërdorim i pozitës apo autoritetit zyrtar’’, nga neni 414 i Kodit Penal të Republikës së Kosovës, lidhur me rezervat shtetërore.
Mirëpo, e njëjta sot nuk është deklaruar, dhe siç e parasheh Kodi i Procedurës Penale ka shfrytëzuar të drejtën për tu mbrojtur në heshtje”, njoftoi përmes një komunikate për medie, Prokuroria Speciale e Republikës së Kosovës.
Një aksion bastisjeje Prokuroria Speciale e kishte bërë në Ministrinë e Industrisë, Ndërmarrësisë dhe Tregtisë, më 18 gusht të vitit të kaluar.
Kjo nën dyshimet për keqpërdorim me rezerva shtetërore, kryerjen e pagesave për grurë nga Turqia dhe Polonia, sasi të cilat dyshohet se nuk kanë ardhur në Kosovë fare.
