Një tjetër ministre është larguar nga qeveria në më pak se një javë, me largimin e Suella Braverman që i ka bërë presion Truss-it, ndërsa ajo lufton për të qëndruar në pushtet vetëm gjashtë javë pasi erdhi në Downing Street.
“Kam bërë një gabim, pranoj përgjegjësinë; jap dorëheqjen,” tha Braverman në letrën e saj drejtuar Liz Truss, e cila u postua në Twitter.
Ajo largohet sepse i ka dërguar një dokument zyrtar nga emaili privat kolegut të saj parlamentar
Ajo tha se i kishte dërguar një dokument zyrtar nga adresa e saj private e-mail një kolegu parlamentar, duke shtuar se ishte një “shkelje teknike” dhe prandaj “është e drejtë që unë të shkoj”.
Truss, e cila u bë kryeministre më 6 shtator, së pari mblodhi një qeveri me anëtarë të lartë besnikë ndaj krahut të saj liridashës të Partisë Konservatore.
Por nisja e programit ekonomik tashmë të anuluar e detyroi kryeministren të shkarkojë ministrin e Financave Kwasi Kwarteng dhe të emërojë Jeremy Hunt si zëvendësues të tij. Hunt mbështeti kundërshtarin e Liz Truss në luftën për postin e kryeministrit, Rishi Sunak.
Guardian raportoi se ish-ministri i transportit Grant Shapps, i cili gjithashtu mbështeti Sunak, ishte një zëvendësues i mundshëm për Braverman./kp
