Ministria e Mbrojtjes ka njoftuar se në të gjitha kuzhinat në kazermat e FSK-së janë janë duke funksionuar si çdo herë tjetër.
Në njoftimin e Ministrisë, thuhet se pjesëtarëve të FSK-së është duke u shërbyer shujtat ditore, siç thotë Ministria ushqimi është i përgatitur nga kuzhinierët e huazuar nga Qendra Studentore si dhe Shërbimi Korrektues i Kosovës.
Ministria ka bërë të ditur se kjo do të jetë një periudhë transitore afatshkurtër, deri në rekrutimin e stafit profesional.
“Synimi i Ministrisë së Mbrojtjes është që përmes procesit të rekrutimit të kuzhinerëve sa më parë të vendosim vet-qëndrueshmëri dhe mos varësi nga proceset e stërzgjatura të prokurimit si dhe nga operatorët ekonomik të pakët në Kosovë që mund të ofrojnë shërbime të tilla, duke i dhënë zgjidhje një herë e mirë një problemi të kamotshëm”, thuhet në njoftim./teve1.info/
