Policia e Kosovës ka publikuar raportin ditor me të dhëna për 24 orët e fundit, ku përfshihen statistikat për aksidentet në trafik, arrestimet dhe masat e tjera policore.
Sipas raportit, gjatë kësaj periudhe nuk është regjistruar asnjë aksident trafiku me fatalitet. Janë shënuar 15 aksidente me persona të lënduar dhe 28 aksidente me dëme materiale.
Gjatë 24 orëve, Policia ka shqiptuar gjithsej 1 mijë e 844 gjoba trafiku.
Ndërkaq, gjatë kësaj periudhe, janë arrestuar 25 persona, ndërsa 18 prej tyre janë dërguar në mbajtje.
