Ministria e Mbrojtjes ka konfirmuar për Tëvë1 se Forca e Sigurisë së Kosovës (FSK) ka pranuar sot dronët kamikazë “SkyDagger 15”, të prodhimit turk.
Ky konfirmim vjen pas raportimit ekskluziv të Tëvë1, që publikoi pamje nga Aeroporti Ndërkombëtar i Prishtinës, ku u panë pajisjet e reja ushtarake duke mbërritur nga Turqia.
Sipas burimeve brenda Ministrisë së Mbrojtjes, dronët “SkyDagger 15” do të përdoren për misione taktike dhe trajnime të avancuara, duke rritur kapacitetet operative të FSK-së në fushën e mbrojtjes dhe zbulimit ajror.
Ministria e Mbrojtjes ka theksuar se bashkëpunimi me Turqinë në fushën e mbrojtjes po thellohet vazhdimisht, ndërsa pajisjet e reja konsiderohen një shtesë e rëndësishme për modernizimin e FSK-së. /teve1.info/
EKSKLUZIVE: FSK pajiset me dronë kamikazë “SkyDagger 15” të prodhimit turk
