Ministria e Jashtme e Iranit ka thënë se Shtetet e Bashkuara të Amerikës kanë nisur vetë një luftë të rrezikshme kundër Iranit, pas sulmeve të tre centraleve bërthamore.
Sipas kësaj ministrie, SHBA-të janë ato që kanë tradhtuar diplomacinë duke mbështetur veprimet agresive të regjimit gjenocidal të izraelit.
“Bota nuk duhet të harrojë se ishin Shtetet e Bashkuara gjatë një procesi diplomatik në vazhdim ato që tradhtuan diplomacinë duke mbështetur veprimet agresive të regjimit gjenocidal dhe të paligjshëm izraelit”, theksohet në deklaratë.
Në deklaratë po ashtu thuhet edhe se Irani “rezervon të drejtën e tij për t’i rezistuar me forcë të plotë agresionit ushtarak amerikan dhe krimeve të kryera nga ky regjim mashtrues, si dhe për të mbrojtur sigurinë dhe interesat kombëtare të Iranit”./AP
