Ministri Peci njoftoi se deri në këtë fazë kanë kthyer gjithsej 698 përgjigje, teksa shtoi se asnjërit prej tyre nuk i është mohuar vazhdimi i kontratës.
“Në total flasim për 744 kërkesa të cilat janë paraqitur dhe deri në këtë fazë 698 përgjigje janë dhënë për të gjithë operatorët, po ashtu edhe nevojën e shfrytëzimit të kullosave ose veprimtarive bujqësore, kërkesat afariste ose biznesore. Do të thotë kemi 698 përgjigje për të gjitha kërkesat dhe janë në proces 46, ndërsa asnjërit prej tyre nuk i është mohuar vazhdimi i kontratës kur flasim për veprimtari bujqësore në kuadër të pronave të Agjensisë të Pyjeve të Kosovës”, tha Peci tutje.
Ndërsa, sa i përket nevojave bujqësore dhe mbjelljes së pemëve, Peci tha se janë pranuar 332 kërkesa, teksa 38 prej tyre kanë të bëjnë me vazhdim të kontratave.
“Në APK për kategorinë e shfrytëzimit të nevojave bujqësore, mbjelljeve të pemëve, janë pranuar gjithsej 332 kërkesa, ndërsa 38 prej tyre janë kërkesa për vazhdim të kontratave. Deri në këtë fazë, vlen të theksohet se në kategorinë e shfrytëzimit për gurore dhe ndërtim të objekteve të përkohshme, energji të ripërteritshme të ngjajshme, janë pranuar 337 kërkesa, prej tyre 37 janë vazhdim i kontratave”, njoftoi Peci tutje.
Më tej, ai deklaroi se lidhur me shfrytëzimin e kullotave bujqësore, nuk i është mohuar asnjërit shfrytëzimi i sipërfaqeve për çfarë kanë kërkuar apo aplikuar në vazhdim./Tëvë1.info/
