Aliu në Facebook tha se gjatë ditës së sotme ishte paraparë nënshkrimi i marrëveshjes me Universitetin e Prishtinës, por që sipas tij ky nënshkrim i bashkëpunimit është shtyrë për ditën e nesërme.
“Për të qenë të saktë dhe transparentë, sot ka qenë e planifikuar që të nënshkruhet marrëveshja me Universitetin e Prishtinës. Përkundër vullnetit tonë, në pamundësi për të realizuar këtë sot, nënshkrimi i bashkëpunimit me UP është shtyrë për ditën e nesërme” tha ai.
Sipas tij qasja nuk e tyre nuk është diskriminuese apo favorizuese por siç ka shkruar ai është në përputhje me të mirën publike.
“Në asnjë mënyrë, qasja jonë nuk është selektuese e as diskriminuese apo favorizuese, por në përputhje me të mirën publike dhe me strategjinë e Ministrisë, në interes të projekteve zhvillimore të cilat i kemi në plan t’i realizojmë. Jemi të perkushtuar që me transparencë të plotë, të bashkëpunojmë me të gjitha universitetet dhe akademinë pa përjashtim, në mënyrë që të instalohen praktikat më të mira në këtë kontekst”, shtoi tutje ai.
