Skuadra e Milanit ka marrëveshje personale me sulmuesin Santiago Gimenez dhe po mundohet ta bind Feyeoordin në lirimin e tij.
Feyenoordi ka refuzuar ofertën e parë të Milanit në vlerë prej 30 milionë eurosh, pasi për kartonin e meksikanit po kërkon të paktën 45 milionë euro.
Mësohet se Milani ka përgatitur ofertën e dytë, që e ka rritur në 40 milionë euro dhe po beson se mund të arrij marrëveshjen me Feyenoordin për transferimin e Gimenezit këtë muaj.
Gimenez ka pranuar ofertën e Milanit, ekip që i ka ofruar kontratë trevjeçare që ka opsionin edhe për vitin e katërt, duke i mundësuar pagë vjetore prej 2.5 milionë eurosh.
25-vjeçari ka kontratë me klubin holandez deri në vitin 2027 dhe këtë sezon ka shënuar 15 gola në 18 paraqitje në të gjitha garat.
