Janë bërë gati katër vjet, që ish-mësimdhënësja Sheribane Ibrahimaj – Bahtiri po e gëzon pensionimin.
E për më shumë se dy vjet, ajo ka pritur që t’i paguhen tri pagat përcjellëse pas pensionimit, siç i takonin me Kontratën Kolektive.
E pavarësisht se këtë periudhë të pensionimit, ajo e quan fazë e ‘pleqërisë së bardhë’, Ibrahimaj-Bahtiri rrëfen se si ka qenë e detyruar të veprojë për të drejtat e saj.
Në anën tjetër, zyrtari ligjor i SBASHK-ut i cili e ka ndihmuar këtë proces të mësimdhënëses, Blendor Shatri tregon që ky nuk është rasti i vetëm.
Sipas Shatrit, në të gjitha rastet komunat e Kosovës hezitojnë që të paguajnë këtë detyrim ndaj punëtorëve të arsimit.
Përveç këtij problemi, ata tregojnë se mësimdhënësit po përballen edhe me problemin për sigurimin e shujtës e cila, po ashtu iu takon në bazë të Kontratës Kolektive.
Kronika e realizuar nga gazetarja Fetije Kamberi
