Meksika ngriti tenda të mëdha në kufirin me SHBA-në të mërkurën, ndërsa po përgatitej që presidenti Donald Trump të përmbushte premtimin e tij për të kryer deportime masiv.
Enrique Serrano, një zyrtar në shtetin Chihuahua, ku ndodhet Ciudad Juárez, ka thënë se tendat e ngritura për të dëbuarit meksikanë ishin vetëm faza fillestare e një operacioni të mundshëm më të madh dhe autoritetet do të rrisin kapacitetet nëse numri I emigrantëve do të rritej. Ai sugjeroi se emigrantët nga vendet e tjera të dëbuar nga SHBA do të zhvendoseshin në kryeqyetin e Meksikës ose rajone jugore të Meksikës, siç kanë bërë më parë .
Nogales, Meksikë – përballë Nogales, Arizona – njoftoi se do të ndërtonte strehimore në fusha futbolli dhe në një gjimnaz. Qytetet kufitare të Matamoros dhe Piedras Negras kanë nisur përpjekje të ngjashme.
Numri i njerëzve të deportuar të martën ishte më i ulët se mesatarja ditore prej rreth 500 vitin e kaluar, vuri në dukje presidentja meksikane Claudia Sheinbaum në konferencën e saj të përditshme për shtyp. Dhe shumë strehimore kufitare që kanë ofruar prej kohësh strehë për migrantët mbetën relativisht bosh ndaj niveleve në rritje të migrantëve të parë vetëm një vit më parë, raporton AP.
Megjithatë, krerët e atyre strehimoreve të emigrantëve si José María Garcia, drejtor i strehës së Tijuana Movimiento Juventud 2000 po përgatiteshin për atë që mund të vinte.
“Dëbimet masive në Shtetet e Bashkuara dhe ardhja e mijëra emigrantëve nga jugu mund të pushtojnë qytetin e Tijuana-s dhe qytetet e tjera kufitare, duke krijuar një krizë,” tha ai.
Qeveria meksikane po ndërton nëntë strehimore në qytetet kufitare për të pritur të dëbuarit. Ajo ka thënë se do të përdorë gjithashtu objektet ekzistuese në Tijuana, Ciudad Juarez dhe Matamoros, për të pranuar emigrantë, takimet e të cilëve për të kërkuar azil në SHBA u anuluan në Ditën e Inaugurimit.
Pasi u zotua për të ndryshuar në mënyrë dramatike politikat e kufirit dhe të imigracionit, të hënën Trump hoqi programin e njohur si CBP One që lejonte azilkërkuesit të caktonin takime në telefonat e tyre përpara se të mbërrinin në kufi, duke siguruar një shkallë rregulli. Të mërkurën, Pentagoni njoftoi se do të dërgonte deri në 1500 trupa në detyrë active në kufi.
Ndërkohë, Garcia, kreu i strehës së emigrantëve në Tijuana, tha se po zhvillohen diskutime se si të ndihmohen qytetet kufitare të përgatiten për atë që ata presin të jetë një fluks njerëzish. Qeveria meksikane ka thënë gjithashtu se do të dërgojë me autobus disa të dëbuar në shtëpitë e tyre në brendësi të Meksikës dhe gjithashtu do t’u sigurojë migrantëve të deportuar kartat prej 2,000 pesos, ose rreth 100 dollarë, pas mbërritjes në kufi për të mbuluar nevojat e tyre themelore.
