Ministri i Mbrojtjes, Armend Mehaj, ka bërë të ditur se Forca e Sigurisë së Kosovës me oficerë e nënoficerë i është bashkuar shtabit të Task Forcës Jug në Republikën e Shqipërisë.
Mehaj, ka thënë se shtabi hynë në kuadër të realizimit të ushtrimit ndërkombëtar “Defender Europe ‘23”, që udhëhiqet e drejtohet nga ushtria amerikane për Evropë e Afrikë.
“Forca e Sigurisë së Kosovës me oficerë e nënoficerë i bashkohet shtabit të Task Forcës Jug në Republikën e Shqipërisë, në kuadër të realizimit të ushtrimit ndërkombëtar “Defender Europe 23″ të udhëhequr dhe drejtuar nga ushtria Amerikane për Europë e Afrikë”, thuhet në njoftimin e postuar në Facebook.
Si nikoqire në ushtrimin ndërkombëtar, Kosova të dielën mbajti ceremoninë e hapjes së stërvitjeve ushtarake të ushtrisë amerikane dhe NATO-s në Evropë, “Defender Europe 2023”. Njëra ndër stërvitjet më të mëdha ushtarake, u organizua për herë të parë në sheshin “Skënderbeu” në kryeqytet.
Ndërkaq, nga 25 vende pjesëmarrëse, Ministri I Mbrojtjes, Armend Mehaj, dje tha se Kosova është vendi i katërt me më së shumti ushtarakë. /teve1.info/
