Ekipet e emergjencës nxituan për të arritur tek të mbijetuarit dhe për të nxjerrë më shumë trupa të martën, ndërsa numri i të vdekurve nga përmbytjet katastrofike dhe rrëshqitjet e dheut të javës së kaluar kaloi 1,300 në Indonezi, Sri Lanka dhe Tajlandë, me gati 900 persona të zhdukur.
Ditë të tëra me shira të rrëmbyeshëm musonësh përmbytën zona të gjera, duke lënë mijëra të bllokuar dhe shumë të kapur pas çative dhe pemëve duke pritur ndihmë.
Përmbytjet dhe rrëshqitjet e dheut vranë të paktën 1,338 persona: 744 në Indonezi, 410 në Sri Lanka, 181 në Tajlandë dhe tre në Malajzi, thanë autoritetet të martën, raporton Associated Press.
Në Indonezi, vendi më i prekur, ekipet e shpëtimit patën vështirësi të hynin në fshatrat e ishullit të Sumatrës, ku rrugët janë përmbytur dhe urat janë shembur.
Të paktën 551 persona mbeten të zhdukur, sipas Agjencisë Kombëtare të Menaxhimit të Fatkeqësive të vendit.
