Për dy ditë radhazi u dëgjuan deklaratat hyrëse të palëve mbrojtëse, ndaj katërshes udhëheqëshe të Ushtrisë Çlirimtare të Kosovës, Thaçi, Veseli, Krasniqi e Selimi.
Të njëjtat përmbanin citime të dokumenteve dhe deklaratave të figurave të rëndësishme vendore dhe ndërkombëtare.
E kjo strategji e mbrojtjes nga avokati Skënder Musa, cilësohet si e jashtëzakonshme.
“Është një stil i veçantë i tyre, sepse cdo provë materiale e kanë ndërlidh me dispozitën ligjore që është shkel, edhe gjithashtu çdo provë materiale që e kanë përmend mbrotja, ose të gjithë dëshmitarë që i kanë propozu kanë tregu se çka i shërben procesit gjyqësor, çka nuk ka ndodh te prokurori”, vlerësoi Musa.
Tutje, Musa tregoi sa mund të zgjasë procesi i gjykimit për katërshen e UÇK-së.
“Procesi mund të zgjasë deri në 5 vite, edhe më shumë. Mirëpo mundet edhe me u shkurtu afati nëse kemi shkurtim të nurmit të dëshmitarëve, provat që janë të panevojshme nëse heq dorë prokuroria, nëse heq dorë nga ndonjë pjesë, dispozit i aktakuzës”, shtoi ai.
Ndërkohë Anton Nrecaj nga Instituti Clard, konsideron se Gjykata Speciale në Hagë ka evituar bazën mbi të cilën është krijuar.
“Në Dhomat e Specializuara, ku pikërisht thirret në këtë, zbardha e rastit të trafikimit të organeve njerëzore. Dhe në aktakuzë nuk kemi as edhe një elemt ku thotë që personat e akuzuar janë përgjegjës për trafikimin e organeve njerëzore për shkak që nuk kanë gjet asnjë argument”, tha Nrecaj.
Deklarata hyrëse e mbrojtjes së Thaçit ishte rreth tre orë, ndërsa e Krasniqit, Selimit dhe Veselit, secila nga rreth një orë.
Kronika e gazetares Valëza Sylejmani.
