Mbrojtësi Raddy Ovouka do të jetë edhe për disa vjet pjesë e skuadrës së Dritës.
Ekipi i Superligës së Kosovës, të martën ka njoftuar për vazhdimin e kontratës me Ovoukan.
Në njoftimin e Dritës, thuhet se Ovouka ka rinovuar kontratën deri në vitin 2027. 24-vjeçari nga Kongo iu bashkua skuadrës kosovare në janar të vitit të shkuar.
Këtë edicion, Ovouka ka 22 paraqitje për Dritën në të gjitha garat, ku ka kontribuar me një gol e pesë asistime.
