Nata e ndërrimit të moteve nuk ishte festive për të gjithë qytetarët.
Kjo meqë, pesëdhjetë e pesë persona kanë kërkuar ndihmë mjekësore në Emergjencën e Qendrës Klinike Universitare të Kosovës si pasojë e lëndimeve të shkaktuara nga mjetet piroteknike dhe plumbat qorr.
Detaje për gjendjen e të lënduarve, dha drejtori i Emergjencës në QKUK, Naser Syla.
“Deri në 08:00 të mëngjesit kane qenë 55 të lënduar, dy me armë zjarri nga plumbat qorr. Gjendja e atyre që janë pranuar nëpër reparte është stabile, mirëpo lëndime shumë njerëz.”, ka bërë të ditur Syla.
Se numri i rasteve që kanë kërkuar trajtim gjatës natës së viti të ri është rritur krahasuar me viteve parapraprake, tregoi specialist i mjekësisë emergjente në QKUK, Ejup Govori.
“Gjatë kësaj nate ka qenë numër jashtëzakonisht i madh për ndryshim nga viti e kaluara… Numri ka qenë jashtëzakonisht i madh më kujtohet nga 2005-2004 atëherë ka pas shumë raste andaj ka qenë edhe ky vit. Herën e kaluar diku kanë qenë 8-10 raste më së shumit 15 raste ama këtë vit ka qenë gjendje alarmante”, tha ai.
Govori bëri të ditur se lëndimet e pësuara ishin kryesisht të rënda.
“Moshat kanë qenë të ndryshme prej fëmijëve, prej 10,12, 14 vjeçar moshën më të rritur20-25 e deri në moshë me thanë mestarë 40-të… Pjesa dërrmuese jo e konsiderueshme, pjesa dërrmuese kanë qenë me fatalitet domethënë me lëndime serioze të gjymtyrëve kryesisht të shuplakave të duarve me amputime të gishtërinjve , me lëndime serioze të këtyre regjioneve”, njofto Govori.
Ndërkohë, ai bëri thirrje edhe që të ndalohet përdorimi i mjeteve piroteknike, pasi çdo herë po përsëriten të tilla incidente, ku po rrezikohet jeta e qytetarëve.
