Gjatë periudhës janar–15 qershor 2026, në Klinikën e Gjinekologjisë dhe Obstetrikës në kuadër të QKUK-së janë realizuar gjithsej 4,423 lindje.
Sipas të dhënave zyrtare, 3,090 prej tyre kanë qenë lindje spontane, ndërsa 1,333 lindje janë kryer me prerje cezariane.
Gjatë kësaj periudhe, ekipet mjekësore të klinikës kanë trajtuar me sukses edhe rastet e lindjeve të parakohshme. Si rezultat i kujdesit intensiv dhe trajtimit të specializuar, 318 foshnja të lindura para kohe janë liruar në gjendje të mirë shëndetësore.
Nga QKUK-ja theksohet se këto rezultate pasqyrojnë përkushtimin e vazhdueshëm të stafit mjekësor dhe infermieror, i cili përbëhet nga mjekë specialistë, infermierë dhe mamitë, që punojnë çdo ditë për të ofruar kujdes cilësor dhe siguri për nënat dhe të porsalindurit.
Klinika e Gjinekologjisë dhe Obstetrikës ofron shërbime të shumta, duke përfshirë kontrolle gjinekologjike, diagnostikim dhe trajtim të sëmundjeve, përcjellje të shtatzënisë, lindje normale dhe operative, si dhe kujdes pas lindjes dhe menaxhim të rasteve komplekse obstetrike-gjinekologjike.
“Shëndeti i gruas dhe i të porsalindurit mbetet prioritet i rëndësishëm i sistemit shëndetësor, pasi investimi në këtë fushë është investim në mirëqenien e familjes dhe të ardhmen e shoqërisë”, thuhet në njoftim.
