Qeveria ka lansuar platformën “Superpuna” përmes së cilës parashihet subvencionimi i pagës në shumë deri në 264 euro nga ekzekutivi, për gjashtë muajt e parë të punësimit të të rinjve.
Ministri i Financave, Punës dhe Transfereve, Hekuran Murati ka bërë të ditur se brenda 1 jave janë verifikuar dhe regjistruar mbi 1 mijë punëkërkues.
“Të gjithë të rinjtë e moshës 18-25 vjeç që janë në kërkim të një vendi pune, kanë mundësinë të regjistrohen dhe të gjejnë një vend pune me pagë të garantuar nga shteti”, ka shkruar Murati.
