Real Madridi ka gjasa të mëdha që të jetë pa njërin prej lojtarëve kryesor kundër Manchester Cityt, ndeshje kjo që luhet në kuadër të Ligës së Kampionëve.
Sulmuesi Kylian Mbappe është në dyshim për këtë ndeshje pasi mungoi në stërvitjen e së martës për shkak të një lëndimi muskulor.
Paraqitja e francezit ndaj Cityt nuk është e sigurt deri para ndeshjes dhe kjo ka shqetësuar trajnerin Xabi Alonso duke pasur parasysh se kjo përballje është jetike për të ardhmen e tij.
Alonso patjetër duhet ta mposht Cityn për të mbetur trajner i Real Madridit, pasi madrilenët në shtatë ndeshjet e fundit kanë vetëm dy fitore dhe humbja eventuale nga anglezët do ta sjellë shkarkimin e tij.
Derisa Mbappe është në dyshim, Realit ndaj Cityt do t’i mungojnë Eder Militao, Dean Huijsen, David Alaba, Dani Carvajal, Trent Alexander-Arnold, Ferland Mendy dhe Eduardo Camavinga.
