Mbahet seanca gjyqësore ndaj deputetit të Partisë Demokratike të Kosovës Xhavit Haliti, i cili akuzohet për sulm ndaj deputetit të LDK-së, Arben Gashi, raporton teve1.info.
Sipas aktakuzës së ngritur së Prokurorisë Themelore në Prishtinë, i akuzuari Xhavit Haliti më 18 maj 2018 në Kuvendin e Kosovës, me dashje ka sulmuar deputetin Arben Gashi, duke e shtyrë me krahë dhe bërryl në gjoks.
Me këtë, Haliti akuzohet se ka kryer veprën penale “Sulmi”, vepër për të cilën parashihet dënim me gjobë ose me burgim deri në tre vjet./teve1.info./
