Vendi pritet të ketë ngecje në zhvillimin ekonomik.
Kjo nga masat sanksionuese të BE-së ndaj Kosovës për shkak të mos marrjes së veprime për de-eskalim të situatës në veri.
Në qoftëse këto masa vazhdojnë dhe më gjatë, nga Oda Ekonomike e Kosovës thonë se do të ndikojnë negativisht dhe do të hasin në vështirësi në tërheqjen e investitorëve të huaj.
Ndërkohë ekonomisti, Naim Huruglica e mendon të kundërtën.
Mirëpo këto masa kanë prekur dhe nivelin lokal.
Kryetari i Asociacionit të Komunave të Kosovës, Sazan Ibrahimi thotë se në kuadër të suspendimit të fondeve në kuadër të IPA 2024 ka projekte të anuluara me miliona në disa komuna.
“Masat e BE-së kanë të bëjnë me fondet e pezulluara të IPA , që çdo vit janë mbi 60 milionë dhe mbulojnë sektorë të ndryshëm përfshirë fusha të ndryshme të cilat janë në përgjegjësi të komunave. Aktualisht, në disa komuna ka projekte të anuluara, mirëpo në shumicën absolute të komunave nuk ka filluar anulimi. Megjithatë, nuk mund të thuhet se nuk ka dëm nga masat e BE-së në fushat ku komunat janë kompetente. Kryesisht mund të jenë agjencitë ndërkombëtare dhe organizatat e mëdha që veprojnë nëpër komuna me fondet e BE-së, p.sh në Prizren në fushën e arsimit. Agjencitë dhe organizatat të ndryshme kombëtare janë duke realizuar projekte të cilat mbulojnë edhe komunën e Prizrenit. Projektet arsimore në pritje, me të cilat pritet të bashkëpunojnë, tashmë i nënshtrohen edhe më tutje vazhdimit pritjes dhe nuk dihet nëse do të vazhdohet me realizimin e tyre”, thotë Ibrahimi.
Këto masa përfshijnë edhe suspendimin e përkohshëm të punës së trupave të krijuara në bazë të Marrëveshjes së Stabilizim Asociimit, mosftesën e Kosovës në takime të nivelit të lartë dhe suspendimn e vizitave bilateral, pezullimi i propozimeve të paraqitura nga Kosova në kuadër të kornizës së investimeve të Ballkanit Perëndimor.
Po ashtu, Kosova ka mbetur jashtë Programit të Evropës Digjitale, ku të gjitha shtetet tjera të Ballkanit Perëndimor do të ndihmohen nga BE-ja për këtë çështje.
