Të dielën në Prishtinë marshohet në mbrojtje të ish-krerëve të UÇK-së, të cilët po gjykohen në Hagë.
“Marshojmë për drejtësi” në mbështetje të ish-krerëve të UÇK-së”, ka shkruar edhe ish-kryeministri e ish-kryetari i Lidhjes Demokratike të Kosovës, Isa Mustafa, derisa ka shtuar që ky është një manifestim që meriton përkrahje e solidarizim nga të gjithë.
“Marshojmë për Drejtësi”, një manifestim që meriton përkrahje e solidarizim! Meriton respekt e përkrahje lufta e UÇK-së dhe meritojnë drejtësi luftëtarët e saj që dolën në ballë për të ndalur masakrat e shtetit serb dhe gjenocidin ndaj shqiptarëve. Kosova sot është e lirë falë luftës së UÇK-së, mençurisë politike të Ibrahim Rugovës dhe ndërhyrjes së NATO-s. Kemi qenë bashkë në kohërat më të vështira; jemi solidar sot me të gjithë ata që kontribuan për liri e pavarësi dhe me ata që ishin shembull i gatishmërisë për të zbardhur çdo dyshim në luftën e drejtë dhe të pastër, sepse besonin në Drejtësi!. Me mendje jam me ju që do të marshoni për Drejtësi.”, ka shkruar Mustafa në Facebook./teve1.info/.
