Trajneri Rolando Maran do e ketë ndeshjen e parë zyrtare me Kombëtaren, pikërisht të shtunën. Sfida me Bjellorusinë është rezervuar nesër(26 shtator) prej orës 20:45.
Në stadiumin “Air Albania” është e sigurt që do të ketë ndryshime nga hera e fundit me Luksemburgun. Pas humbjes 0 me 1 në miqësore, trajneri Maran projekton lëvizje i detyruar edhe nga mungesat.
Në vëzhgimin e “Panorama Sport” rezulton se vetëm Berat Gjimshiti, Ylber Ramadani dhe Arbër Hoxha janë alternativa pa probleme nga formacioni i fundit ndaj Luksemburgut.
Bujar Pllana, Qazim Laçi dhe Nedim Bajrami, që e nisën nga minuta e parë janë mungesa të sigurta. Kjo për shkak se nuk ndodhen aktualisht me kuqezinjtë.
Mbetet për t’u parë nëse Etrit Berisha është rikthyer për vendin e titullarit, apo nëse do të vlerësohet prania e Mario Dajsinanit. Kjo për shkak se Alen Sherri nuk ka pasur minuta në Seria A dhe mund të bëhet një tjetër ndryshim.
Kristjan Asllani ndërkohë është stërvitur i diferencuar. Mario Mitaj i cili nuk ka minuta në Seria A, apo Elseid Hysaj që është pa ekip janë po ashtu problem. Myrto Uzuni ndërkohë vjen nga një dëmtim dhe ka munguar në javët e fundit të MLS.
