Manchester United duket se do të ketë punë në afatin e transferimeve të verës, ose të paktën kështu raportojnë mediat angleze.
Djajtë thuhet se kanë përfunduar nënshkrimin me trajnerin e Ajax Erik Ten hag, e që pritet të ketë ndryshime edhe në formacionin startues.
Skuadra ka filluar të mendojë për transferimin e mesfushorit të Leeds United, Kalvin Phillips, pasi Nemanja Matic në moshë të shtyer dhe largimi i mundshëm i Paul Pogba do të thotë se ofrimi i një mesfushori balancues do të ishte i nevojshëm.
Anglezi ishte afër të nënshkruante kontratë verën e kaluar për të qëndruar në Elland Road, mirëpo ai kishte ndryshuar agjentin dhe një gjë e tillë nuk ndodh kështu që United do ta ketë më të lehtë për të bërë lëvizjen e tyre.
Përveç Phillips Djajtë po shikojnë edhe mundësitë për një lëvizje të mundshme drejt West Ham për mesfushorin Declan Rice ose fantazistin e Dortmund, Jude Bellingham.
Megjithatë, mesfushori i Leeds duket më i lehtë i arritshëm, pasi West Ham kërkon 150 milionë euro për Rice e Dortmund vështirë se do ta shesin Bellingham këtë verë, pasi që Erling Haaland pritet të largohet dhe ata do të mundohen të mbajnë futbollistë të tjerë në skuadër.
Një kualifikim i mundshëm i United në Ligën e Kampionëve sezonin e ardhshëm, do t’i lehtësonte gjërat për afrimin e futbollistëve.
