Manchester City ka mposhtur me lehtësi Chelsea në Kupën FA. Citizensit në ndeshjen e zhvilluar në “Etihad” ka mposhtur blutë me rezultat 4:0.
Të besuarit e Pep Guardiolës kryen punën në pjesën e parë, derisa shkuan në pushim me epërsi prej tri golave, Riyad Mahrez e hapi serinë e golave në minutën e 23-të, kurse Julian Alvares shënoi nga pika e penalltisë pas shtatë minutash. Phil Foden në minutën e 38-të e thelloi epërsinë e vendasve.
Mahrez shënoi edhe njëherë në pjesën e dytë për të vulosur fitoren. Algjeriani u tregua i saktë nga penalltia në minutën e 85-të. Kundërshtari i radhës i Manchester City do të mësohet pas tërheqjes së shortit.
