Policia i ka arrestuar sot tre persona si të dyshuar për veprën penale “përdorim i armës apo mjetit të rrezikshëm”.
Të arrestuarit janë nga fshati Carrallukë e Malishevës, derisa pas kontrollit të vendbanimit të dy prej tyre janë gjetur dhe konfiskuar: dy armë zjarri të gjata, tri armë zjarri të shkurtra (pistoleta) dhe 128 fishekë.
“Të dyshuarit pas përfundimit të intervistimit, me vendim të prokurorit të shtetit janë liruar në procedurë të rregullt, ndaj tyre është iniciuar rast ‘mbajtje në pronësi, kontroll ose posedim të paautorizuar të armëve’ dhe ‘përdorim i armës apo mjetit të rrezikshëm’”, thuhet në njoftimin e policisë.
