Malisheva ka arkëtuar tri pikë të arta, pasi ka arritur fitore në udhëtim tek Llapi, ndonëse minimalisht 0-1.
Malisheva kaloi herët në epërsi me golin e Agon Xhakës i cili gjeti rrjetën në minutën e 6, me kokë, duke shfrytëzuar mirë një habi në mbrojtjen e Llapit.
Në pjesën e dytë, Llapi u hodh në sulm për të gjetur golin e barazimit, ndërsa mysafirët synonin që përmes kundërsulmeve dhe lojës një kundër një të dënonin kundërshtarin. Malisheva iu ofrua dyherë golit, me anë të sulmuesit Altin Aliu, por që syqelë u tregua portieri Ilir Avdyli.
Vendësit krijuan rastet e tyre me sulmuesin Ahmed Jonuzi që ishte afër të barazojë në minutat e fundit, por goditja e tij me kokë u ndal nga portieri Gashi.
Llapi mbetet në pozitën e dytë me 28 pikë pas 16 ndeshjeve, tri më shumë se Drita, por që ka dy ndeshje më pak, ndërsa Malisheva ngjitet në vendin e katërt dhe numëron 23 pikë.
