Lushtaku në Facebook tha se Kuvendi nuk i nënshtrohet urdhërave të partisë në pushtet.
“Kuvendi nuk i nënshtrohet urdhrave të qeverisë e as diktatit të partisë në pushtet. Protesta jonë brenda Kuvendit sot ishte në shërbim të zbardhjes së skandalit energjik në Kosovë, kurse themelimi i Komisionit Hetimor do t’i hap rrugë shumë dyshimeve të bazuara, të dala edhe në opinionin publik tashmë”, tha ai.
Lushtaku tha se pushteti e kuptoi që vullneti kushtetues i 40 deputetëve nuk mund mbivotohet me diktate, që sipas tij, kanë për qëllim ta dëmtojnë interesin e qytetarëve, duke paguar 100% më shumë në kohën kur Kosova ka prodhuar mjaftueshëm energji.
Ndryshe gjatë seancës së sotme pas shumë përplasjeve pozitë e opozitë u dakorduan për formimin e komisionit hetimorë për energjinë./teve1.info/.
