Belgjika e ka ftuar golashënuesin më të mirë, Romelu Lukakun, për ndeshjet e Ligës së Kombeve ndaj Italisë dhe Izraelit.
Lukaku u la jashtë listës në katër ndeshjet e para të Ligës së Kombeve në dy muajt e fundit.
Belgjika takohet me Italinë në Bruksel të enjten, ndërsa më 17 nëntor luan në Budapest të Hungarisë ndaj Izraelit.
31-vjeçari Lukaku paraqitjen e fundit me Belgjikën e ka në Kampionatin Evropian në Gjermani.
Ai e mban rekordin me 85 gola në 119 paraqitje për përfaqësuesen belge.
Belgjika duhet të fitojë ndaj Italisë për të mbajtur gjallë shpresën për avancim tutje.
Belgët kanë telashe të shumta me lëndime të lojtarëve.
Prej tyre kryesori është pa Kevin De Bruyne.
Belgjika është në vendin e tretë në Grupin A2, me gjashtë pikë prapa Italisë dhe pesë prapa Francës së vendit të dytë.
Duhet t’i fitojë të dyja ndeshjet për të avancuar në çerekfinale.
