Selektori i Rumanisë, Micrea Lucescu ka folur në prag të ndeshjes me Kosovën në kuadër të Ligës së Kombeve.
Lucescu ka paralajmëruar futbollistët e tij, duke thënë se Kosova është një skuadër shumë e fortë nga e cila duhet pasur kujdes të madh.
Sipas tij, Kosova mund ta mposht çdo kundërshtar pasi në radhët e veta ka ljtarë që luajnë nëpër skuadra të mira evropiane.
“Kosova ka një ekip të jashtëzakonshëm dhe mund ta mposht çdo kundërshtar. Ka lojtarë që janë zhvilluar nëpër ekipet e mëdha të Evropës Perëndimore”, ka pranuar Lucescu.
Trajneri rumun ka pasur fjalë të mëdha për Edon Zhegrovën, ndërsa ka vlerësuar edhe Vedat Muriqin, Amir Rrahmanin e Valon Berishën.
“Zhegrova është lojtar fantastik nëse lejohet të luaj lojën e tij. Në Prishtinë e mbyllëm mirë dhe një gjë të tillë duhet ta bëjmë edhe në Bukuresht. Në ekipin e tij ku luan, Zhegrova është vendimtar. Po ashtu, te Kosova janë edhe disa tjerë të rëndësishëm si Muriqi, Rrahmani e Berisha”, shtoi Lucescu.
Përballjen me Kosovën, Lucescu nuk e ka cilësuar si finale por si ndeshje tejet të rëndësishme që duhet patjetër ta fitojnë.
Sipas tij, Kosova mund ti krijoj probleme Rumanisë në fushë por ka shtuar se këto bëhet fjalë për tri pikë që kanë vlerë të madhe për të ardhmen e futbollit rumun dhe për këtë arsye janë maksimalisht të motivuar për ta fituar këtë ndeshje.
Gjithashtu, Lucescu edhe një herë ka kërkuar nga tifozët rumun që mos të krijojnë probleme në tribuna por ta përkrahin ekipin drejt fitores së radhës në Ligën e Kombeve.
Ndeshja Rumani – Kosovë, luhet të premten prej orës 20:45 në Bukuresht dhe i takon xhiros së parafundit të kësaj kampanje të Ligës së Kombeve.
