Zjarrfikësit dhe ekipet emergjente tashmë kanë lokalizuar zjarrin që përfshiu katin e sipërm të një banese në lagjen “Bregu i Diellit” në Prishtinë.
Nga ky incident një person ka mbetur i lënduar, i cili tashmë ka marrë trajtim mjekësor.
Zjarri kishte filluar të përhapet në orën 07:00 të mëngjesit.
Zëdhënësi i Policisë për Prishtinën, Enis Pllana deklaroi se forcat e sigurisë janë ende në terren dhe po vazhdojnë punën për të zbardhur rrethanat e incidentit dhe për të parandaluar përhapjen e flakëve.
“Sot rreth orës 07:00, kemi pranuar informatën për një incident zjarri në lagjen ‘Bregu i diellit’ në Prishtinë, ku nga zjarri është përfshirë një banesë. Policia dhe zjarrfikësit kanë dalë menjëherë në vendin e ngjarjes, kurse një person ka pranuar tretman mjekësor. Aktualisht policia dhe zjarrfikësit janë duke u marrë me rastin”, tha Enis Pllana, zëdhënës i Policisë për kryeqytetin. /teve1.info/
Një person i lënduar si pasojë e zjarrit që përfshiu një banesë në Prishtinë
Kaplohet nga zjarri një ndërtesë në “Kodrën e Diellit” në Prishtinë
