Një kontingjent i madh lojtarësh dhe stafi të Liverpoolit kanë mbërritur në kishën Igreja de Matriz, disa prej të cilëve mbajnë lart një kurorë të kuqe, me numrin 20 – fanellën e Diogo Jotas.
Trajneri Arne Slot është në grupin, i cili udhëhiqet nga kapiteni Virgil Van Dijk dhe Andy Robertson.
Van Dijk mban një kurorë me numrin 20 të Jotës, ndërsa Robertson mban numrin 30 – numrin e Andre Silvës.
Lojtarët e Reds morën duartrokitje të forta nga tifozët ndërsa ecin drejt kishës – teksa një grua në turmë bërtiti: “Forca!”.
Përveç figurave të njohura ka edhe shumë vizitorë që kanë mbërritur në Igreja Matriz de Gondomar ndërsa familja dhe miqtë po përgatiten t’u japin lamtumirën e fundit Diogo Jota dhe Andre Silva.
Qindra vendas dhe tifozë janë mbledhur jashtë, shumë prej tyre me fanella futbolli, teksa herë pas here, dëgjohen duartrokitje solemne në anën tjetër të kishës – me sa duket aty ku mblidhen familjarë të ngushtë.
