Llapi për herë të dytë radhazi ka fituar Superkupën Kosovë-Diasporë. Skuadra e Tahir Batatinës ka shënuar fitore ndaj FC Kosova Zurich, me rezultat 3-1
Pjesa e parë kishte përfunduar me rezultat 1-1, teksa në 45-minutat e dytë skuadra nga Superliga u tregua më e suksesshme. Ilir Krasniqi, Gerhard Progni dhe Kushtrim Shabani ishin realizatorët e golave për bardhekaltrit.
Superkupa Kosovë-Diasporë u zhvillua në stadiumin natyral të Kampit Nacional në Hajvali.
Kujtojmë se Llapi mori pjesë në këtë trofe si fitues i Kupës së Kosovës, teksa Kosova Zurich si fituese e Kupës së Unionit të Zvicrës.
