Për të tretën ditë, pjesëtarët e EULEX-it e sollën në shtëpinë e tij, Jakup Krasniqin.
Mbase për shumë kë, të gjitha këto masa të sigurisë janë të panevojshme.
Përveç sjelljeve të tilla jashtë shtëpisë së Krasniqit, zyrtarët e EULEX-it kontrollojnë tërë shtëpinë para se ai të hyjë.
Përkundër të gjitha këtyre masave, 75-vjeçarit nuk mund t’ia ndalin përqafimin me mbesën dhe vajzat e tij.
Por, fatin e tyre nuk e kanë të gjithë.
Daut Krasniqi rrëfen si mbeti pa e takuar vëllanë: U ktheva që të mos ia prish vizitën
E pastaj qetësia kaploi lagjen Velania.
Janë bërë 6 orë prej kur ish-kryetari i Kuvendit të Kosovës, Jakup Krasniqi, ka hyrë brenda dhe prej atij momenti nuk ka dalë apo hyrë askush.
EULEX-i vëzhgonte nga larg, e nga afër Policia e Kosovës.
Pak minuta para orës 17:00, zyrtarët e EULEX-it erdhën përsëri.
Të armatosur deri në dhëmbë.
Nivel i sigurisë apo paranojë e zyrtarëve të EULEX-it, por armën ia drejtuan edhe një familjari të z. Krasniqi.
Tek dera, Krasniqi i përqafoi edhe njëherë fort familjarët e tij duke i përshendetur.
E derisa po hipte në furgon, zyrtarët e EULEX-it ndezën dritat, duke pamundësuar incizimin e këtij momenti.
Krasniqi të shtunën e ka ditën e fundit të vizitës te familja e tij.






