Skuadra e Ferizajt ka avancuar në finalen e Kupës së Kosovës pasi në gjysmëfinale ka eliminuar Llapin.
Pas dy ndeshjeve në gjysmëfinale, Ferizaj ka eliminuar Llapin me rezultatin e përgjithshëm 2:1.
Në fakt, Ferizajt i ka mjaftuar fitorja e ndeshjes së parë – 2:1 në Podujevë, pasi në ndeshjen e kthimit të mërkurën, skuadrat barazuan pa gola.
Gjithashtu, kjo ndeshje pati tensione pasi në fillim të pjesës së dytë u ndërpre për më shumë se dhjetë minuta shkaku i hedhjes së gjësendeve nga tifozët vendas.
Megjithatë, takimi rifilloi por me tribunat e zbrazura.
Në finalen e Kupës së Kosovës, që luhet muajin e ardhshëm Ferizaj do të përballet me Dukagjinin.
