Skuadra e Llapit nuk e ka marrë më shumë se një pikë në ndeshjen kundër Dukagjinit, të luajtur të dielën në Podujevë.
Ndeshja që i takoi xhiros së 33-të në Superligën e Kosovës në futboll, e luajtur në stadiumin “Zahir Pajaziti” ka përfunduar pa gola – 0:0.
Me këtë barazim, skuadra e Llapit ka vështirësuar dukshëm punën për t’i ikur zonës së barazhit pasi deri në fund të sezonit kanë mbetur edhe tri xhiro për t’u zhvilluar.
Aktualisht, Llapi mbetet në pozitën e tetë në tabelë me 40 pikë, dy më pak se Dukagjini që renditet i shtati.
