Ish-reprezentuesi i Kosovës, Suad Sahiti është bërë pjesë e KF Llapi. Sahiti me ekipin llapjan ka nënshkruar kontratë deri në verën e vitit 2024.
Sulmuesi i djathtë ka eksperiencë të pasur në Greqi, Bullgari, Poloni e së fundmi në Kroaci, ku ishte pjesë e skuadrës së Sibenikut.
28-vjeçari në vitin 2014 iu bashkua skuadrës së Rabotniçkit në Maqedoni, kurse tri vite më pas u transferua në Shqipëri tek Skënderbeu. Pas një edicioni, sulmuesi anësor u transferua tek AE Larisa në Greqi, kurse karrierën e ka vazhduar edhe tek Semptevri Sofia (Bullgari) dhe Wisla Plock (Poloni).
Nga edicioni 2020/21, Sahiti luajti për Sibenikun në Kroaci, kurse tani do t’i mbrojë ngjyrat e skuadrës llapjane.