Kryetari i Komunës së Drenasit , Ramiz Lladorvci ka kërkuar nga ministria e Administrimit dhe Pushtetit Lokal, që të marrë vendim për shpërndarjen e Kuvendit Komunal të Drenasit.
Kjo pasi sipas tij, Kuvendi nuk ka funksionuar që 71 ditë, që kur më 6 qershor ishte shkarkuar kryesuesi.
Sipas tij, mosfunksionim i Kuvendit Komunal ka rrezikuar buxhetin e komunës e realizimin e projekteve.
“Për shkak të mosfunksionimit të Kuvendit, është në mandatin e Qeverisë ta shpërndajë Kuvendin e Komunës së Drenasit dhe legjitimiteti të kthehet te qytetari. Kam konstatuar se me mosfunksionimin e Kuvendit, është rrezikuar buxheti i Komunës, bartjet e mjeteve buxhetore për realizimin e shumë projekteve kapitale, rrjedhimisht papërgjegjshmëria e Kuvendit po rrezikon ushtrimin e të drejtave themelore të qytetarëve të komunës së Drenasit”, ka shkruar ndër të tjera Llladrovci.
