Liverpooli ka fituar ndaj Brentfordit në xhiron e 35-të të Premier Leagues për t’iu afruar pozitës së katërt në tabelë, që automatikisht çon në Ligën e Kampionëve edicionin e ardhshëm.
“Të Kuqtë” triumfuan 1:0 në Anfield të shtunën. Golin e vetëm e realizoi Mohamed Salah në minutën e 13-të.
Kjo ishte fitorja e gjashtë rresht për Liverpoolin.
Ekipi i Jurgen Kloppit tani ka 62 pikë në pozitën e pestë, një më pak se Manchester Unitedi që mbyll top-katërshen, por që ka dy ndeshje më pak të zhvilluara.
