Klodian Duro do të jetë trajner i Lirisë së Prizrenit për sezonin 2025/26.
Liria, të hënën e ka prezantuar Duron, i cili synon ta kthejë ekipin nga Prizreni në elitën e futbollit kosovar.
Duro në këtë post ka zëvendësuar Leutrim Krasniqin, që ditë më parë u largua nga Liria dhe pritet së shpejti ti fillojë përgatitjet për sezonin e ri.
“Pas eksperiencave si trajner te Kukësi, Feronikeli dhe Gjilani, Duro vjen te FC Liria me vizionin për ta ngritur skuadrën aty ku e meriton”, ka shkruar ndër të tjera Liria në njoftimin për angazhimin e Duros.
Liria në sezonin 2025/26, do të bëjë gara në Kategorinë e Parë të Kosovës, e cila do të jetë ligë unike me 18 skuadra.
