Kryetari i Nismës Socialdemokrate ka përsëritur qëndrimin e tij se duhet krijimi i një shumice parlamentare për daljen nga kriza e konstituimit të Kuvendit.
Limaj pas dështimit të seancës konstituive për herë të 53-të ka thënë se nuk ka zgjidhje parciale.
Limaj ka folur edhe për afatit 30 ditor të dhënë nga Gjykata Kushtetuese, duke vlerësuar se ky afat nuk është konsumuar pasi sipas tij deputetët nuk kanë pas mundësi të votojnë.
Limaj ka thënë se këtë duhet ta ketë parasysh Kushtetuesja.
“Gjendja ka mundur mos ardhë këtu, por ka ardhë. Unë e vlerësoj që asnjë ditë nga 30 ditëshi i Gjykatës nuk është i shfrytëzuar, deputetët nuk kanë pasur mundësi ta shfrytëzojnë të drejtën e votimit, asnjë ditë nga 30 ditëshi nuk është i shfrytëzuar për faktin se deputetët në asnjë rast nuk iu ka dhënë mundësia të votojnë”, tha Limaj./teve1.info/
