Të mërkurën, nis zyrtarisht sezoni 2024/25 në Ligën Unike të basketbollit në konkurrencën e meshkujve.
Megjithatë, sezoni i ri nis me ndeshjet e xhiros së dytë, në të cilën do të përballen skuadrat nga Shqipëria.
Dueli i parë, do të jetë ai ndërmjet Tiranës dhe Vllaznisë së Shkodrës, i cili luhet të mërkurën prej orës 18:00 në kryeqytetin e Shqipërisë.
Ndërkohë, përballja e dytë, ajo ndërmjet Besëlidhjes dhe Teutës së Durrësit, do të zhvillohet të enjten, po ashtu prej orës 18:00.
Ndeshjet e skuadrave nga Kosova të kësaj xhiroje, Bashkimi – Vëllaznimi dhe Golden Eagle Ylli – Sigal Prishtina nuk do të luhen për shkak se do të llogariten rezultatet e arritura në Superligën e Kosovës.
Ky sezon i Ligës Unike te meshkujt do të jetë i veçantë, pasi tetë skuadrat pjesëmarrëse, katër nga Kosova dhe Shqipëria janë të ndara në dy grupe.
Grupi A përbëhet nga Besëlidhja, Teuta, Bashkimi e Vëllaznimi kurse pjesë e Grupit B, janë Golden Eagle Ylli, Sigal Prishtina, Tirana dhe Vllaznia.
Ndeshjet do të luhen me system vajtje – ardhje dhe dy ekipet e renditura në pozitën 1 dhe 2 të secilit grup, do të kualifikohen në “Final Four” që do të mbahet vitin tjetër në Kosovë.
